Borgarferð í bongóblíðu

Ég er enn að reyna að læra að vera í sumarfríi.  Reyndi í einn dag að "slaka á"  - eins er endalaust verið að segja mér að gera.  Eftir þann dag hélt ég að ég myndi deyja úr leiðindum, deyja hreinlega.  Svo sennilega verð ég að finna mér eitthvað skemmtilegra að gera næst þegar ég slaka á.

En svona til að gera eitthvað í fríinu ákváðum við Rebbý að gerast ferðamenn í okkar eigin borg og héldum í þeim tilgangi niðrí bæ á laugardagsmorgun.  Við trítluðum um allt með prinsinn í eftirdragi.  Bentum á hús og styttur en umfram allt mynduðum við allt saman.  Ferðamenn taka nefnilega myndir.  Þið vitið myndir af styttum og svoleiðis... og myndir af sjálfum sér.  Til að njóta dagsins enn betur borðuðum við úti í hádeginu áður en við löbbuðum í kringum tjörnina til að ná að gefa sem flestum öndum (og sem fæstum mávum) að borða líka.  Ég lagði mig svo í hljómskálagarðinum á meðan Rebbý sólaði sig og prinsinn klifraði.  Held að þetta hljóti að teljast slaka á dagur þrátt fyrir að við værum hálf eftir okkur eftir alla útiveruna.

Við stoppuðum ekkert þarna heldur grilluðum kvöldmatinn, eftir að hafa haft ís í eftirrétt á undan.  Það er ekkert að því að snúa deginum svolítið við þegar maður er í sumarfríi.  Enduðum svo kvöldið á því að kíkja á bæinn.  

Snillingar sem við erum, þá lögðum við af stað á einum bíl en enduðum svo á tveimur bílum.. það dugar ekkert minna en tveir bílstjórar fyrir okkur... og reyndar vorum við sjálfar bílstjórarnir... mjög flókið allt saman.  Eftir dans og daður (hjá sumum sko... ekki öllum) slóst ég í för með tveimur gæfulegum mönnum og endaði í ævintýralegu partý í betri hverfum bæjarins.

Þar var dansað, sungið, hlegið, haldin skósýning, drukkið (sumir meira en aðrir og sumir ekki neitt nema vatn sko), klappað köttum, slúðrað... áður en haldið var heim á leið undir morgun.  Það þarf ekkert marga til að gera skemmtilegt partý sko. 

Athugasemdir

[Rebbý, 20.7.2009 kl. 18:32]

takk fyrir túristadaginn Vilma mín ... bara snilld
það var já labbað, borðað, dansað og keyrt heim ... varst þú að daðra?    allavega var ég persónulega ekkert að daðra aldrei þessu vant

[Vilma Kristín , 20.7.2009 kl. 18:37]

Uhhh, ég daðra aldrei! Kann það ekki, hef aldrei kunnað það og mun aldrei læra það... það er bara staðreynd. Eigum við nokkuð að rifja upp daður kvöldsins? Ha?

[Rebbý, 20.7.2009 kl. 20:02]

ekkert daður bak við ástarjátningarnar ... en sláandi sannleikur þó  hehehe

[Einar Indriðason, 21.7.2009 kl. 08:21]

Og er ekki bara ágætt að vera ferðamenn?  Gerðu þetta endilega oftar :-)

[Sigrún Óskars, 21.7.2009 kl. 12:18]

skemmtilegt - maður ætti að prófa þetta

[Vilma Kristín , 21.7.2009 kl. 15:39]

Get svo sannarlega mælt með þessu "ferðalangur í borg" dæmi... stefni á að prófa aftur næst, nóg fyrir ferðamenn að skoða :)

[Bibba (IP-tala skráð) 22.7.2009 kl. 19:14]

Verð að prófa þetta :)