14.9.2009 | 22:55
Fórnarlamb :)
Ég stóð á milli tveggja stæðilegra lögreglumanna í fullum skrúða. Stóð á milli þeirra og starði inn um stofugluggann minn. Annar lögreglumaðurinn mundaði myndavél af miklum móð, alveg eins og atvinnumaður. Fyrir innan glerið sat Millie og gerði allt sem hún gat til að vekja athygli á sér.
Þarna sat hún og klessti nefinu að rúðunni. Þarna sat hún og lagði eyrun aftur. Þarna sat þessi ríflega 10 ára gamli köttur og setti upp kettlingasvip og sló létt á rúðuna. Lögreglumaðurinn lét það ekki slá sig útaf laginu og hélt áfram að smella af, inn í gegnum gluggann minn á meðan kötturinn þvældist fyrir. Ég er viss um að myndavél lögreglunnar er full af myndum af fallegum bláum ketti með leiftrandi græn augu.
Og þarna stóð ég og reyndi að halda mig í skjóli við annan lögreglumanninn, enda voru þeir vel klæddir en ég bara úti á bolnum. "Hvað er eiginlega með veðrið?", spurði skjólgóði lögreglumaðurinn og hristi höfuðið. Ég yppti öxlum og reyndi að hrista í mig hita. Hinn hélt áfram að taka myndir. Góða stund ræddu lögreglumennirnir saman eftir að hafa komið sér í skjól undir vegg.
Eftir fjölda áskorana lét ég semsagt verða af því að hringja á lögregluna í dag til að fá skýrslu gerða. Jú, jú, mikið rétt áliktað hjá mér, niðurstaða lögreglunar er að á rúðunni séu göt eftir loftrifill. Ég er semsagt fórnarlamb. Ekki fórnarlamb "drive by shooting" heldur fórnarlamb "walk by shooting". Að öllum líkindum var skotið frá göngustígnum og vonandi var þetta bara handahófskennt. Jebb, spennandi að búa í Grafarvogi...
Um bloggið
Vilma sjálf
Tenglar
Ég sjálf
Gamla bloggið mitt
- Gamla bloggið mitt Vilma Stína
Klúbbar og félög
Eitt og annað sem ég tengist
- Ofurhugar Kúlasta fólk í heimi
- Skógarkettir Skógarkattaklúbbur Íslands
- Kynjakettir kattaræktarfélag Íslands
Kisusíður
Hinar og þessar kisusíður
- Aliosha's Aliosha og Hrund
- Eldibrands Margrét Birna og hennar kisur
- Hlíðarenda Heimasíða Ásdísar
- Vetrarheims Heimasíðan mín
- Björgvinjar Áslaug vinkona mín á þessa síðu
Bloggarar
Hinir og þessir skemmtilegir
Athugasemdir
úfff.... gott samt að vera ekki svona drivethrough.......
Hrönn Sigurðardóttir, 14.9.2009 kl. 22:57
Göngustígurinn, já. Örugglega bara einhver tiltölulega heilbrigður einstaklingur á morgunskokkinu með loftriffilinn sinn. Ekkert til að hafa áhyggjur af. Gæti vel verið verra :)
Bibba (IP-tala skráð) 15.9.2009 kl. 11:26
Bibba, þetta á nú aldeilis eftir að róa Vilmu
Snjólaug (IP-tala skráð) 15.9.2009 kl. 17:13
Veistu Snjólaug, ótrúlegt en satt þá er konan alveg sallaróleg yfir þessu ... sem gerir það að verkum að manni finnst að maður þurfi að taka það að sér að vera paranoid... :)
Bibba (IP-tala skráð) 15.9.2009 kl. 20:57
Já, merkilegt nokk... ég er bara alveg róleg og er að láta þetta frábæra tækifæri til að taka dramakast dauðans fara fram hjá mér!
Vilma Kristín , 15.9.2009 kl. 22:32
já feður vina okkar hafa valdið meiri spennu og drama þrátt fyrir að hafa verið í nokkra húsa fjarlægð sofandi
Rebbý, 15.9.2009 kl. 22:55
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.