u - beygja

Ég veit ekki alveg hvað mér finnst um þetta sumar. Enn sem komið er er það ekki að gefa mér mikið. Og ef þetta fer ekki að breytast verð ég alveg búin á því þegar haustið kemur.

Rúna mín er búin að þurfa að fara tvisvar á verkstæði með tilheyrandi kostnaði í mánuðinum. Síminn er okkar er bilaður. Afleiðingar óknytta prinsins og vina hans halda okkar í helgreipum, við náum ekki að fara í nein ferðalög fyrr en við vitum hversu hár reikningurinn kemur - öllum sumarfríshugleiðingum frestað. Í framhaldinu er ég komin uppá kant við nágrannanna, alltaf gaman að því eða þannig. Prinsinn fékk svo heilahristing, þótt ég væri alveg búin að leggja blátt bann við slíkum uppákomum.

Í dag var ég svo í jarðarför að kveðja vinkonu mína úr kattaheiminum. Konu sem féll frá langt fyrir aldur fram. Það verður bara að viðurkennast að ég á erfitt með jarðarfarir, ég kem einhvern veginn alltaf úrvinda úr þeim. Þreytt og búin á því. Fékk svo áminningu um að lífið heldur áfram þegar ég var boðið á einkahúsfund með stjórn húsfélagasins í kvöld. Eitthvað til að hlakka til eða ekki.

Ég er búin að ákveða að þetta er dagurinn sem sumarið tekur u - beygju og héðan í frá mun allt ganga okkur í hag (maður má vona...).

Athugasemdir

[Rebbý, 24.6.2009 kl. 20:52]

já maður verður að halda í vonina þegar svona erfiðir tímar eru í gangi ....
gangi þér vel á húsfundinum ... vona að prinsinn jafni sig enn og aftur og samhryggist aftur vegna vinkonu þinnar

[Hrönn Sigurðardóttir, 24.6.2009 kl. 21:11]

æjæjæj.... erfitt.... vona að prinsinn þinn jafni sig og votta þér samúð mína vegna vinkonu þinnar úr kattaheiminum.

Mundu bara að einnig þetta líður hjá

[Snjóka (IP-tala skráð) 24.6.2009 kl. 23:53]

Held að leiðin liggi bara upp á við,  verður að láta mig vita hvað kemur út úr þessum húsfund