Jólin koma... ekki alveg strax

Ég sit ein í stofunni og syng. Syng með tónlistinni sem smýgur út úr hátölurunum í tölvunni minn, heitelskuðu tölvunni minn. "I'll have a bluuuuuuuuuuuuueeeeeee christmas without you... I'll be so bluuuuuuuuuuuuuuueeeeee thinking about you...." Já, ég sit ein inní stofu og syng jólalög. Já, ég veit að það er júní. Mig greip bara snögglega svo mikil þörf fyrir jólalög. Svo sterk þörf að ég réð ekkert við hana.

Ég byrjaði á einsöng: "Skín í rauðar skotthúfur..." og heimasætan tók undir. Við sungum dúett og útfærðum lagið að okkar hætti. Sætukoppur setti upp svip og hristi hausinn. Við sungum hærra. Hann stundi. Við skiptum um lag og brunuðum beint í næsta jólalag. En það var einhvern veginn ekki nóg fyrir mig. Náði ekki að uppfylla þörfina svo ég kveikt á iTunes. Ahhhh, ekta jólaandi lak um allt.

Allt frá Elvis til Dolly Parton til Queen... bestu jólalög í heimi og ég sit hér í þvílíku stuði. "Ertu full?", spurði formaðurinn á facebook þegar honum fannst vinkona sín vera með full mikinn galsa fyrir konu á þessum aldrei. Ég hló og hélt áfram að syngja og þverneitaði. Bláedrú, að sjálfsögðu. Jólalög hafa bara þessi áhrif á mig.

Og eftir allt of viðburðarríka viku og hræðilega erfiða og þunga viku er skemmtileg tilbreyting að vera uppfullur af hamingju og gleði sitjandi einn heima á föstudagskvöldi.

"Walking in winter wonderland..." og nú á ég ráð sem ég ætla að reyna næst þegar ég verð leið og lífið þyrmir yfir mig. Jebb, ég dreg fram jólalögin!

Athugasemdir

[Hrönn Sigurðardóttir, 13.6.2009 kl. 08:34]

Gott ráð!

[Rebbý, 13.6.2009 kl. 18:10]

samt ekki I'll have a blue blue Christmas without you"  mig langar bara að gráta við að lesa laglínuna

[Bibba (IP-tala skráð) 13.6.2009 kl. 22:10]

Hei, júní er einmitt tíminn þegar vinkona mín í barnaútvarpinu undirbjó jólaþættina.   Þá sat hún í myrkraklefa í kjallara útvarpshússins með jólaskraut og kerti og það var alveg ótrúlega kósí hjá henni.     Those were the days...

[Einar Indriðason, 16.6.2009 kl. 12:30]

Hmm... var þetta eitthvað tengt kommentinu mínu á statusinn þinn á FB um daginn?