I remember when...

Það er svona sérstakt áhugamál hjá mér að "útsetja" lög og syngja fyrir börnin mín í nýjum útgáfum. Venjulega við frekar fálega dóma. Ég gefst samt ekki upp, heldur útset fleiri og fleiri lög.

"Vilma, ekki útsetja...", grátbað heimalingurinn þar sem við sátum í sófanum. Ég var í tölvunni og söng mínar eigin útfærslur af ýmsum lögum, til dæmis Daloon laginu. "Mömmu finnst sérstaklega gaman að útsetja...", sagði heimasætan með smá hæðni í róminum þar sem hún sat og prjónaði af miklum móð. "Verst er þó þegar maður fær hennar útgáfur af lögunum á heilann", hélt hún svo áfram: " svo gleymir maður hvernig upprunalega útgáfann er og er bara með hundleiðinlegt lag á heilanum".

Ég hló og rifjaði upp mína bestu útfærslu: "I remember wwwwhhhhhhhheeeeeeeennnnnn...." Heimasætan greip fyrir eyrun. Heimalingurinn hallaði undir flatt: "Ég kannast við þetta hvernig er lagið í alvörunni?". Heimasætan tók við af mér og söng réttu útgáfunu. "Ó, já, þetta er þetta lag...", svaraði heimalingurinn og hélt áfram að prjóna.

Ég held hins vegar að það eigi bara eftir að uppgvötva mig sem útsetjara. Þanngað til held ég áfram að safna sérstökum útfærslum í heilann á mér. Ég á til dæmis örugglega 5 útfærslur af Daloon laginu tilbúnar!

Athugasemdir

[Hrönn Sigurðardóttir, 15.4.2009 kl. 08:43]

Ég er alveg viss um að uppgötvunin er rétt handan við hornið!

[Sigrún Óskars, 15.4.2009 kl. 12:29]

þetta er eins og þegar ég syng lögin í "minni rödd". ég syng neðstu alt rödd í kór og læri því lögin í þeirri rödd. Söng t.d. "sofðu unga ástin mín" öðruvísi en aðrar mömmur.

haltu bara áfram að útsetja - verður uppgötvuð einn daginn

[Rebbý, 15.4.2009 kl. 20:36]

mátt syngja fyrir mig hvenær sem er ... allt nema Daloon lagið (afsakið lögin)

[Bibba (IP-tala skráð) 15.4.2009 kl. 23:07]

Ég get komið þér í starfsþjálfun ..  bara einn galli :  Það er í Ástralíu :)

[Einar Indriðason, 17.4.2009 kl. 08:42]

Hvernig var aftur Daloon lagið?  Ég fann það ekki á youtube.....