Hún er komin!

Hún reif upp útidyrnar og sagði hátt með spurnartón: "Jólaskraut?"

"HA?!", æpti prinsinn innan úr herbergi þar sem hann lá niðursokkinn í sjónvarpsgláp. í röddinni mátti greina furðu, gleði, undrun. Ég, heimasætan og sætukoppur stóðum á ganginum og héldum niðrí okkur tístinu. Prinsinn kom í loftköstum innan úr herberginu og spennan skein úr augunum. Hann virtist ekki alveg trúa þessu.

Hann nam staðar í forstofunni. Svo æpti hann eins hátt og hann gat, hoppaði upp og niður af spenningi. Það héldu honum engin bönd og hann stökk um hálsinn á gestinum. Og nú gátum við ekki setið á okkur lengur. Við rukum fram í forstofu líka og biðum spennt eftir að kæmi að okkur að knúsa. Knúsa heimalinginn sem er komin til Íslands í heimsókn. VEIIIII!!!!

Heimasætan var búin að sitja á eldhúsborðinu og mæna útum gluggann bíða eftir merki um heimalinginn. Hún stökk niður þegar hún sá glitta í kunnuglega veru. Ég og sætukoppur drifum okkur útí glugga líka og vinkuðum og vinkuðum.

Þetta er eins og jólin séu komin, hér eru allir vakandi. Prinsinn veit ekkert hvernig hann á að láta. Hlær, skríkir, hoppar, syngur og reynir að sýna heimalingnum allt dótið sitt í einu. Við liggjum öll í sófanum og hlustum á ævintýri frá útlöndum. Við erum búin að standa okkur svo vel að halda þessu leyndu yfir prinsinum sem er fremstur í aðdáandaklúbbi heimalingsins.

Athugasemdir

[Vilma Kristín , 2.4.2009 kl. 00:19]

"Segðu eitthvað á dönsku... Segðu eitthvað á dönsku...", tístum við, ég og heimasætan. Heimalingurinn hallaði sér aftur á bak og blaðraði og blaðraði á dönsku. Við veltumst um af hlátri. Það þarf lítið til að skemmta okkur, það er nóg að heimalingurinn er kominn heim.

[Einar Indriðason, 2.4.2009 kl. 08:05]

:-)

Er hún alkomin?  

[Hrönn Sigurðardóttir, 2.4.2009 kl. 09:09]

:) hvað ætlar hún að stoppa lengi?

[Snjóka, 2.4.2009 kl. 09:20]

Frábær lýsing og ég sé ykkur alveg fyrir mér , vona að maður fái að sjá smá af henni áður en hún fer aftur

[Vilma Kristín , 2.4.2009 kl. 09:36]

Hún verður hér í 17 daga og hverfur svo aftur til starfa í útlandinu.  En við fáum allavega að hafa hana í 17 daga.  :)  Mikil gleði með það!

[Bibba (IP-tala skráð) 2.4.2009 kl. 09:48]

Ef ég næ ekki að sjá hana, viltu knúsa hana frá mér ?

[Rebbý, 2.4.2009 kl. 22:19]

það er búið að vanta MIKIÐ að hafa hana ekki heima hjá þér ... þó þið standið ykkur vel í að skemmta mér og skemmta ykkur á minn kostnað