Skemmtilegustu mótmælendurnir

Ég og kennarinn létum ekki yfirvofandi aðalfund og árshátíð kattaræktarfélagsins stöðva okkur. Nei, nei, við héldum á Austurvöll. Með smá kvíða kannski. Við vonuðum að það væri góð mæting en á sama tíma óttuðumst við að úthugsað útspil Geirs, loforð um kosningar og reiði í garð Harðar hefði kannski dregið úr fólki að koma. Það var af og frá. Þvílíkur mannfjöldi. Glæsilegt hjá íslendingum. Glæsilegt! Bara svona: "Ha?! Hélduð þið að við myndum hætta að mótmæla? No Way!"

Ég held að við séum heppnar að hafa tækifæri á að taka þátt í "búsáhaldabyltingunni". Og ég get svo sannarlega mælt með þáttöku fyrir hvern þann sem er reiður og fúll yfir ástandinu og endalausa bullinu. Samstaðan er ólýsanleg. Kraftur er endalaus. Og við erum að skipta máli, ég er sannfærð um það. Og að sjá allt þetta fólk í dag - brjálæðislegt!

Uppfullar af krafti mótmælanna drifum við okkur á aðalfundinn og árshátíðina í beinu framhaldi. Enn kraftmiklar fengum við bilaða hugmynd og endurvöktum sofandi skemmtinefnd... og þó við værum bara tvær á staðnum úr skemmtinefndinni. Jebb, skipulögðum skemmtiatriði yfir forréttinum, 2 atriði og það þriðja spunnum við upp bara á staðnum... þið vitið svona bara standa upp og bulla eitthvað... og enduðum með að fá lófaklappa allra viðstadda. Semsagt göldruðum fram 3 atriði! Geri aðrir betur. Sannfærðar um að við hefðum "bjargað" árshátíðinni. Alveg pottþétt bara.

Athugasemdir

[Hrund (IP-tala skráð) 25.1.2009 kl. 01:41]

Við erum frábærastar :), mótmælandi nr. 1 og nr. 1,0000000000000000000000001 og svo allir hinir! Get ekki beðið eftir mótmælunum næsta laugardag..... og svo öllum mótmælunum í vikunni líka..... bendi öllum á www.nyttlydveldi.is það þarf að gjörbreyta kerfinu.

[Hrönn Sigurðardóttir, 25.1.2009 kl. 07:45]

Þetta var frábær dagur í mótmælum! Maður kemur endurnærður heim!

[Einar Indriðason, 25.1.2009 kl. 11:35]

Já, þvílík orka!