Ég læri...

Ég lærði nokkuð á síðasta sólarhring... veit ekki hvort ég man það næst þegar ég lendi í svona aðstöðu samt. Sko ég lærði það að vaka í 23 klukkutíma og vinna 19 klukkutíma af því, sofa svo í 3 tíma og mæta aftur í vinnu er ekki sniðugt. Alla vega ekki þegar maður er kominn svona vel við aldur eins og ég. Nú er annað ástralíu námskeið í næstu viku, kannski ég reyni að sleppa snemma í vinnu á miðvikudaginn..

Ég hélt að þetta yrði ekkert mál. En um þrjú leitið í gær var ég orðin hálf glær. Þá átti ég eftir að útrétta fullt og svo átti ég að fara með prinsinn til stuðningsfjölskyldunnar fyrir kvöldmat og mæta svo í matarboð um kvöldið. Einhvern veginn tókst mér að troða inn tíma til að leggja mig í klukkutíma. Svo var brunað í matarboð hjá Bibbu. Allur grillklúbburinn mættur og við ræddum heimsmálin, hlógum, borðuðum á okkur gat og fengum svo spá í kaupbæti frá húsmóðurinni. Klukkan var orðin um tvö þegar við skröngluðumst heim. Og ég átti hreinlega ekki séns á að vakna í morgun.

Þegar ég vaknaði um hádegisbilið var ég hins vegar full af orku og er búin að ná að taka slatta til, fara á mótmælin og svo á kaffihús með kisugenginu og stefni á bæjarrölt fram á nótt með Rebbý og fleiri góðum félögum. Hver veit nema ég finni ljóta manninn sem Bibba er búin að spá mér...

Athugasemdir

[Hrönn Sigurðardóttir, 17.1.2009 kl. 20:39]

Leiðinlegt að hitta þig ekki í dag. Annars minni ég þig bara á að hvíla börin þín ;)

Sjáumst þótt síðar verði! 

[Snjóka, 18.1.2009 kl. 04:55]

Gengur betur næst að hitta ljóta manninn, sáum reyndar slatta af ljótum mönnum en ekki rétt ljóta manninn

[Rebbý, 18.1.2009 kl. 05:25]

nei - stalkerinn þinn var ekki einu sinni ljóti maðurinn

[Hrönn Sigurðardóttir, 18.1.2009 kl. 11:06]

Stelpur! Þið eigið ekki að vera að horfa á ljóta menn........ þið eigið að sjá fallegu mennina ;)

[Bibba (IP-tala skráð) 18.1.2009 kl. 18:50]

Þú varst nú alveg ótrúlega hress þarna á föstudagskvöldið miðað við undanfarið svefnleysi og ofurvinnu.
Takk fyrir kvöldið það var ljómandi skemmtilegt

[Einar Indriðason, 18.1.2009 kl. 23:37]

Ah... svefnleysi, ofurvinna... "ótrúlega hress" .... það skýrir næstu færslu hjá þér :-)