Happy new year!

Eftir útréttingar hjá mér og prinsinum í dag lagðist ég í sófann og horfði á doktor Phil. Hann talaði heil ósköp með að það væri komið nýtt ár. Happy new year. Og svo talaði hann heilmikið um það hvernig maður á að sjá til þess að árið verði akkúrat það... hamingjusamt sem sagt. Og skyndilega laust niður í kollinn á mér smá hugsun. Hvernig stendur á því að útí heimi segja menn "Happy new year" eða "Hamingjusamt nýtt ár" en hér á skerinu segum við "Gleðilegt nýtt ár" sem gæti útlagst sem "Joyful new year".

Afhverju ætlum við íslendingar að hafa gaman á nýju ári á meðan aðrir leggja uppúr því að verða hamingjusamir. Er það af því að við erum hvort sem er hamingjusamasta þjóð í heimi (eða erum við búin að detta niður af listanum?). Eða er það af því að við erum svo brjálæðislega óhamingjusöm að það er ekki séns að við verðum hamingjusöm en það er smá séns að við verðum glöð einhvern tíman á árinu?

Ég stefni reyndar á að hafa þetta ár bæði gleðilegt og hamingjusamt, hvernig sem mér tekst svo til...

Athugasemdir

[Hrönn Sigurðardóttir, 4.1.2009 kl. 21:44]

Dr. Phil er ekki heppilegur félagsskapur! Endurtek - EKKI

[Bibba (IP-tala skráð) 4.1.2009 kl. 22:54]

Útskýrðu fyrir mér muninn á gleði og hamingju ....  ?

[Vilma Kristín , 4.1.2009 kl. 23:38]

Í mínum huga getur maður verið glaður þó maður sé ekki hamingjusamur og leiður þó maður sé hamingjusamur... ég þekki sérstaklega fyrri hlutann. Mér finnst vera stór munur á gleði og hamingju, mjög stór. Það er örugglega misjafnt hvað gefur fólki hamingju og hvernig fólk lítur á hana. Fyrir mér er það að vera ánægður og sáttur við sjálfan sig og stöðu sína svona meira viðvarandi tilfinning eða ástand heldur en gleði. Þó maður sé ekki sáttur við sjálfan sig, ekki hamingjusamur getur maður glaðst í góðra vini hópi eða til dæmis yfir smá lukku eða kannski launahækkun. Launahækkunin er aftur á móti ekki líkleg til að gefa manni hamingju. Peningar geta gefið manni stundargleði en þeir gefa manni ekki hamingju. Það að kaupa fallegan hlut getur gefið manni gleði en ekki hamingju. Hamingja er meira svona "glóbal" ástand sem kemur ekki hlutum og peningum við heldur mikið frekar hvernig manni líður með sjálfan sig.

Svo "happy new year" er í mínum augum mun sterkari von heldur en "gleðilegt nýtt ár"...

[Heimalingur (IP-tala skráð) 5.1.2009 kl. 17:59]

já við ættum að breyta yfir í hamingjusamt nýtt ár, því gleðilegt nýtt ár endist bara yfir nóttina. Vilma næsta ár verður hamingjusamt!!

[Einar Indriðason, 5.1.2009 kl. 20:48]

Hrönn... er hún Vilma bara ekki að ruglast á gleði-Phil-lum? :-)

[Bibba (IP-tala skráð) 6.1.2009 kl. 20:25]

Takk, þetta meikar sens fyrir mér :)