Ég geri ekkert

Tiltekt eftir afmælið og uppvask, glápa á jólamynd með unglingunum, talning á kettlingum, baka afmælisköku, baka sörur með aðstoð unglingana, fá fullt af kattaeigendum í heimsókn til að skoða litlu kisubörnin sín sem stækka, talning á kettlingum (nokkrum sinnum), út að borða með kennaranum og kattadómaranum, blaðra í símann við Möggu Biddu, talning á kettlingum, jólasveinaleiðangur með heimasætunni, saumapælingar með heimalingnum, hanga á internetinu og skoða sig um, talning á kettlingum, upprifjun á föstudagskvöldinu (úbbasíííííííí...), borða afganga úr afmælisveislunni, talning á kettlingum, þvo þvott, sofa út, njóta dagsins og lífsins... Ég gerði semsagt ekki neitt í dag og mikið svakalega var það skemmtilegt.

Og nú er ég þreytt eftir allan dansinn með unglingunum mínum. Við erum búin að æfa púðusykurdansinn, kúrekadansinn, Dominos dansinn, Super Mario dansinn, týna epli/týna sveppi dansinn og marga marga aðra... og syngja með tónlistinni um leið... rosalegt stuð hjá okkur... en samkvæmt sætukoppi lítur það vís pínulítið skringilega út þegar fólk gengur fram hjá á göngustígnum og sér okkur inn um gluggann að æfa sporin. Skítt með það, okkur er sama þó einhver flissi yfir okkur, bara betra að ná kannski að létta lundina hjá einhverjum leiðum sem getur skemmt sér yfir okkur að æfa Dominos dansinn...

Athugasemdir

[Hrönn Sigurðardóttir, 15.12.2008 kl. 08:02]

.....talning á kettlingum? Og svo aftur og aftur og aftur........?

Nú er ég eitt spurningamerki í framan og já kannski víðar ;) 

[Rebbý, 15.12.2008 kl. 08:28]

ég taldi ekki kettlinga, en gat þó talið klórin sem ég fékk eftir þá á laugardaginn ... voðaleg krúttleg lítil klór
gott að þú gerðir ekkert í gær - það var kominn tími á afslöppun hjá þér

[Vilma Kristín , 15.12.2008 kl. 09:49]

Já, þegar maður á heilan haug af pínulitlum kettlingum sem hlaupa um allt hús er maður alltaf að telja... einn, tveir, þrír, fjórir, fimm, sex, sjö, átta, níu...  bara til að vera viss að enginn sé týndur eða búinn að fara sér að voða...