Fjölbreyttur dagur

Ég settist uppí bíl um þrjúleitið í dag og hélt heim á leið. Hmmmm. Þetta var skrítið. Í fyrsta skipti í langan tíma fór ég í alvörunni snemma heim úr vinnunni. Skyndilega verkefnalaus, svona allavega í dag, og notaði tækifærið að prófa að hætta bara um miðjan dag. Ráfaði um Bónus og gerði stórinnkaupin sem ég hefur þurft að kaupa inn lengi. Hafði meira að segja tíma til að kúra uppí sófa áður en ég færi með prinsinn í karate.

En hvað nú? Prinsinn kemur bara alls ekki heim úr skólanum. Fyrst byrjar maður að hringja og tékka á vinunum. Enginn prins. Svo fer mamman í óvæntan göngutúr um hverfið þar sem vel þekktir staðir eru þræddir. Enginn prins. Þá er komið að því að hringja í lögregluna og athuga hvort einhverja aðstoð sé þar að fá. Fyrst þá lætur prinsinn heyra í sér.

Ég varla náði að sækja prinsinn þvert yfir hverfið þegar kettlingarnir hennar Þulu fóru að fæðast. Núna eru þeir fjórir og alveg óvenju myndarlegir og sprækir. Og litskrúðugir. Engir tveir í sama lit. Ein þrílit stelpa. Ein þrílit og bröndótt stelpa. Ein blá og hvít stelpa (sko það er steingrá fyrir leikmenn...). Einn ofsasætur svartur og hvítur strákur.

Ég og heimasætan erum því búnar að liggja á gólfinu hjá Þulu í allt kvöld, báðar orðnar þokkalega beyglaðar af kúrinu. Þarna erum við búnar að liggja og klappa þulu, nudda á henni magann, hvetja hana áfram, hjálpa henni með börnin, og bara vera til staðar. Alveg dolfallnar af þessum litlu kraftaverkum. Við verðum alltaf jafn hissa og alltaf jafn yfir okkur hrifnar þegar fæðasta kettlingar. Og nú eru bara þrír eða fjórir dagar í næsta got. Mmmmm... fullt af litlum kettlingamallakútum af kyssa...

Athugasemdir

[Hrönn Sigurðardóttir, 6.11.2008 kl. 09:02]

æj krúttin!

Gott að prinsinn fannst. 

[Bibba (IP-tala skráð) 6.11.2008 kl. 10:40]

Til hamingju með kisubörnin

[Einar Indriðason, 6.11.2008 kl. 10:42]

Ég er nú farinn að hafa áhyggjur af því ... að allt í einu... þá verðið þið ... bara ÉTIN af köttunum... Ég meina... einn af köttunum er þegar farinn að smakka á prinsinum.... Og... það er allt að fyllast af köttum......

(Þetta er farið að minna á handrit að B mynd í hollywood... "the Cats are hungry")

[Vilma Kristín , 6.11.2008 kl. 20:04]

Allt svoleiðis að fyllast... hver veit hvar þetta endar. Kannski sem svona b - mynd... við yrðum þá allavega "ódauðleg" á skjánum... eða þannig...