Kókósbollukenning kattakarlsins

Kattakarlinn er enginn vinur minn. Ég er ansi hrædd um að hann líti á mig sem óvin... en ég horfi frekar á þetta svoleiðis að hann sé ekki vinur minn. Hann er þarna bara og kemur mér ekkert við, hvorki hann né fylgifiskar hans. Öðru hvoru rekumst við samt á hvort annað á óravíddum internetsins... svona sérstaklega þar sem við tengjumst sama hópnum.

Fyrir nokkrum mánuðum kom kattakarlinn fram með kókósbollukenninguna sína. Og ég hef verið að máta hana, hafa gaman af henni og prófa hana aðeins. Hún er einhvern vegin svona... tilhneiging fólks til að reyna að gera of mikið, reyna að gleypa heiminn má líka við kókósbolluát. Já, ef maður til dæmis hellir sér útí eitthvað af lífi og sál, hættir því svo - fær nóg má segja að það sé eins og að éta fimm kókósbollur í röð og fá svo ógeð á kókósbollum. Jebb, kókósbollurætur eru alls staðar... og ég er aðal kókósbolluætan samkvæmt kattakarlinum.

Jebb. Þannig má segja að þeir sem hella sér tímabundið útí einhver áhugamál séu í raun hamslausar kókósbolluætur. Eftir að hafa geymt kenninguna bak við eyrað fann ég tækifæri á föstudaginn til að skella henni fram. Jebb. Skellti henni framan í grunlausan líffræðinginn sem horfði á mig með furðu þegar ég ásakaði hann um óhóflegt kókósbolluát.

"En Vilma... ég borða aldrei kókósbollur... og ef ég smakka þær þá aldrei meira en eina....", svaraði hann stórmóðgaður. Ég hló og benti á hann og sagði: "Kókósbolluæta! Kókósbolluæta!"

Eftir nokkrar umræður reyndi ég að sannfæra hann um að ég hafði fengið þessa skrítnu kenningu að láni og ég væri nú ekkert sannfærð um að allir sem réðu ekki alveg við áhugamálin sætu líka og hámuðu í sig kókósbollur. Benti honum svo á hvar væri hægt að ná í kattakarlinn til að rökræða kenninguna og sérstaklega það sem var að henni... Nú er bara að bíða og sjá.... væri alveg til í að sjá kattakarlinn og líffræðinginn (og kókósbolluætuna) ræða málin. Jebb, ég væri til í að vera fluga á vegg þar að fylgjast með :) Þanngað til ætla ég að halda áfram að geyma þessa skemmtilegu kenningu...

Athugasemdir

[Bibba (IP-tala skráð) 6.8.2008 kl. 08:01]

Jáen kókosbollur eru svoooo góðar :)