Til hamingju ég...

Ég beið vakandi uppí rúmi. Beið og beið. Af hverju gerðist ekkert? Hvar var morgunmaturinn? Af hverju kom hann ekki? Ég kallaði til heimasætunar sem var frammi að snurfusast eitthvað: "Hvar er morgunmaturinn minn?" "If you want breakfast in bed, sleep in the kitchen...", kallaði hún til baka.

Eftir tæpa tvo tíma gafst ég upp. Afmæli eða ekki... ég átti greinilega ekki að fá afmælismorgunmat í rúmið. Glorhungruð skrönglaðist ég fram í eldhús og gramsaði í velskipulögðu skápunum til að finna eitthvað ætt. Opnaði tóma ísskápinn og sá að það yrði allavega ekki veisla. Morgunkorn væri málið.

Svo settist ég niður og naut þess að borða morgunmatinn. Eitt árið enn... og nú ætla ég að njóta þess að eiga afmæli í dag. Ekkert að gera nema ganga frá smá þvotti, fara í nokkrar búðir, hlusta á nýju afmælisgjöfina mína frá mér sjálfri og slappa af. :)

Athugasemdir

[Einar Indriðason, 26.7.2008 kl. 11:58]

Til hamingju með daginn! :-)

[Laufey (IP-tala skráð) 26.7.2008 kl. 19:14]

Til hamingju med af maelid og eigðu góðan dag:-) kv.Laufey

[Bibba (IP-tala skráð) 27.7.2008 kl. 21:52]

Hahaha .. góð hugmynd.   Held að nýja tengdasyninum þætti það nú krúttlegt að hafa tengdamúttu í rúminu við ísskápinn ;)