Hrísgrjón og möndlur!

Það er tvennt sem ég hef greinilega áráttu fyrir að kaupa.  Þetta er falin árátta. Ég vissi sjálf ekkert af henni... ekki fyrr en sönnunargögnin æptu á mig.

"Sjáðu bara!", stundi ég og beindi orðunum til mín þegar ég dró fimmta hrísgrjónapakkann útúr búrskápnum.  Þarna stóðu þeir, hrísgrjónapakkarnir, og glottu til mín.  Ég átti ekki orð.  Hvernig stóð á öllum þessum hrísgrjónum í skápnum mínum?  Hafði ég virkilega keypt þá alla.  Ja hérna.

En skrítnari hrúga lá aðeins fjær á borðinu.  Lá þar og skellihló að mér.  Já, þar lá myndarleg hrúga að möndlum.  Ég borða ekki einu sinni möndlur svona dags daglega.  Af hverju ég átti þvílíkt magn að hvaða stórmarkaður sem er hefði getað verið stoltur af þessu sem lager?  Ég man alls ekki eftir að hafa keypt möndlur.  Bara aldrei! 

Eina skýringin er sú að ég sé haldin leynilegri áráttu.  Undirmeðvitundin breiðir yfir þetta. Í hvert sinn sem ég nálgast staðinn sem geymir möndlurnar eða hrísgrjónin  er slökkt á meðvitundinni og ósjálfrátt moka ég þessu í körfuna.  Ja, það er annað hvort það eða ég er geðklofi og hinn persónuleikinn er sjúkur í hrísgrjón og möndlur.

Athugasemdir

[Rebbý, 23.7.2008 kl. 22:58]

sá þetta og skil ekki þessa áráttu .... á ekki við þetta að stríða sjálf

[Hrund (IP-tala skráð) 23.7.2008 kl. 23:14]

Ég kannast við þetta, ég kaupi oft kókosmjöl þótt ég eigi fullt af því og noti sárasjaldan, annað sem ég kaupi oft eru fræ eins og sólblómafræ og furuhnetur til að setja út á salat, á fullt af þessu.

[Einar Indriðason, 24.7.2008 kl. 01:41]

Færðu stundum "blackout"?  Geturðu gert grein fyrir hverri einustu mínutu í lífinu?  Koma gloppur í minnið þegar þú ert að versla?

[Bibba (IP-tala skráð) 24.7.2008 kl. 08:14]

Og svo borðar þú bara kartöflur ...  !