Ég er gullfiskur

10.7.2008 | 23:04

"Týpísk þú", sagði Rebbý í símann og hló við. Ég var að fara yfir stöðuna með henni. Athyglisbresturinn er að hrjá mig og ég verð seint kölluð skipulögð týpa. Nei, ég er allt annað og með athygli á við gullfisk. Og nú er ég á fullu að mála. Og ég mála hér... og ég mála þar... og svo mála ég þarna... Svo þegar Rebbý hringdi var að mála á þremur stöðum í einu. Óskaplega dugleg. Ég var að mála inní eldhúsi. Ég var að mála hornið inní stofu. Ég var að mála ganginn. Smá klessa hér. Smá klessa þar. Rúlla svolítið. Pensla svolítið.

Og einhvern veginn féll þetta allt saman á endanum. Small saman. Ég er búin með ganginn. Og eldhúsið og hornið í stofuni eru að bíða síðustu umferðar. Ég er búin að þrífa bakvið eldavélina og rífa hana fram á gólf. Og með þrjóskunni náði ég ísskápnum fram á gólf og skrúbbaði á bak við hann.

Engu að síður náðum við að troða IKEA ferð með viðkomu í Húsgagnahöllinni inná dagskránna. Og nú erum við búin að finna næstum allt sem við þurfum að kaupa. Borð, kommóðu, sjónvarpsskáp, spegil. Myndir á veggina bíða þar til búið er að mála. Eina sem enn er ekki búið að finna er skóskápur... það ætlar að ganga illa. Innkaupaferð á morgun eða laugardag... Þanngað til mála og mála og mála...

Flokkur: Bloggar | Facebook