Fæ ég lungnabólgu?

"Ég fór alveg sjálfur!", sagði prinsinn og það glampaði á augun. Það var greinilega stoltur ungur maður sem stóð fyrir framan mig. Sjálf var ég að springa úr stolti yfir gaurnum. Hann hafði farið alveg sjálfur í sendiför fyrir systur sína. Börnin voru nefnilega skilin eftir í reiðuleysi á meðan ég vann yfirvinnu. Þau urðu því að bjarga sér sjálf með kvöldmat. Helmingurin var til inní ísskáp en afganginn fór prinsinn og verslaði inn, alveg sjálfur. Fyrsta búðarferðin hans.

Það rann fyrir mér um leið að ég á alls ekket lítið barn lengur. Nei ég á bara krakka og ungling. Ekkert barn. Það er tæplega hægt að kalla ungan mann sem fer og verslar inn barn. Er það nokkuð?

Ég skreið heim um áttaleitið eftir stopp til að sinna búin hjá kattadómaranum og kennaranum. Sennilega hefði verið gáfulegra að sleppa miðnæturheimsókninni í Húsdýragarðinn. Sennilega hefði verið gáfulegra að vera heima í dag. Og sennilega hefði verið gáfulegra að sleppa yfirvinnunni í dag. Ég byrjaði á að hátta mig, koma mér vel fyrir og þar hef ég bara verið.

"Ertu veik?", spurði Sævar þegar hann kíkti í heimsókn og svo hló hann á meðan ég lýsti veikindunum sem herja nú á mig aðra vikuna í röð. "Hvað ætlarðu að gera í sumarfríinu?", hélt hann svo áfram. "Ég veit ekki....", svaraði ég og kláraði svo: ".. kannski fá lungnabólgu, já, eða botnlangakast.... Ég hef hvorugt prófað áður"

Athugasemdir

[Bibba (IP-tala skráð) 24.6.2008 kl. 23:04]

Hann er nú alveg ótrúega duglegur hann sonur þinn.   Held að hann sé alveg að verða stór.   Bráðum geturðu hringt í hann og beðið hann um að elda matinn líka :)

[Rebbý, 25.6.2008 kl. 23:28]

já hann er að verða herramaður þessi "litli" gutti