Horfin af yfirborði jarðar

"Farðu í frí. Núna!", sagði sálfræðingurinn skipandi tóni. Ég sat hnýpin á móti honum og horfði ofan í gólfið. "Já, farðu í frí. Núna", ítrekaði sálfræðingurinn og ég ákvað þar og þá að taka hann á orðinu. Ég stóð upp, fór og slökkti á tölvunni minni og hélt heim á leið.

Síðan hef ég ekki svarað vinnusímtölum né tölvupósti. Ja, fyrir utan daglegu símtölin við eyjamanninn. Þau eru ómissandi og alltaf skemmtileg. En gagnvart öllum viðskiptavinum mínum hef ég bara horfið skyndilega af yfirborði jarðar.

Og þetta var alveg rétt hjá sálfræðingnum, þetta frí var akkúrat það sem ég þurfti. Síðan á þriðjudag hef ég sofið og sofið, hvílt mig í sófanum, í lazyboy stólnum, í rúminu. Hangið yfir sjónvarpinu, sofið yfir sjónvarpinu. Og hangið með vinkonum mínum. Og mig langar bara ekkert í vinnuna....

Athugasemdir

[Rebbý, 25.5.2008 kl. 18:55]

æj gott að þú gast hvílst .... og takk aftur fyrir föstudagskvöldið

[Bibba (IP-tala skráð) 25.5.2008 kl. 22:28]

Frábært.   Mann á ekkert að langa í vinnuna þegar maður er í fríi.   Gott að heyra að þú ert loksins að hvíla þig :)

[Snjóka, 26.5.2008 kl. 00:07]

Algjörlega á því að þú ættir að taka þér lengra frí, reyndar gæti það kostað mikla peninga miðað við síðustu daga þannig að það gæti bara borgað sig að fara í vinnuna