Ekkert

HVernig getur maður eytt þremur dögum í bara alls ekki neitt? Úfff... Ég þurfti að þrífa. Ég þurfti að taka til. Ætlaði að spila heilmikið. Ætlaði að lesa. En nú eru dagarnir búnir og ég hef ekkert gert. Ekkert. Hér er meira drasl en áður. Meiri skítur en áður. Búið að spila einn veiðimann sem telst ekki mikið. Bara búið að lesa vefmiðlana en ekkert af bókunum sem bíða inní herbergi.

Ég er búin að horfa á Kíkí mína, örugglega í nokkra klukkutíma. Hún er alveg að blómstra - ja eða þannig - hún er enn jafnljót og ekkert lík fugli en hún er farin að hlaupa um á prikinu sínu og skrækja og tjá sig. Farin að hanga á rimlunum og spjalla við Trúls. En það afsakar ekki iðjuleysið í mér. Allsekki. Hverskonar afsökun er það? Ég gat ekki þrifið því égvar að horfa á gallaða gárann minn... Svo eyddi ég alltof mörgum klukutímum í að sofa og hvíla mig og leggja mig og slappa af... og og... hvaða fleiri orð get ég notað yfir það að vera löt?

Nei þetta var hvítasunnuhelgin sem ég gerði ekkert.

Athugasemdir

[Snjóka, 12.5.2008 kl. 22:06]

Stundum þarf maður að gera ekki neitt, má ekki gleyma að njóta þess líka

[Rebbý, 12.5.2008 kl. 22:23]

ég er rosalega ánægð með þig kellan mín ..... var komin tími á svona letihelgi hjá þér