Klingjandi kamar

18.4.2008 | 21:59

Ég gekk varlega inná glæsilegt og nútímalegt salernið. Hér var allt stílhreint og flott, agalega smart. Með efasvip horfði ég á nútímalega klósettið sem virist næstum svífa, æ þið vitið svona klósett sem kemur útúr veggnum. Nema þetta var ekki venjulegt, nei, þetta var ferkanntað og með ferkanntaðri setu. Hmmm, leit ekki út fyrir að vera þægilegt en samt rosalega flott.

Með varkárni kom ég mér fyrir á setunni. Ég treysti aldrei alveg svona svífandi klósettum. Hef alltaf dálítið á tilfinningunni að þau séu ekki nógu vel fest og pompi af veggnum. Þessvegna fékk ég hroll niður bakið þegar ég áttaði mig á, þar sem ég settist, að þetta ákveðan sett var svo hátt staðsett að ég náði ekki niður. Shit. Stuttar lappir geta verið til óþurftar.

Hugboð mitt varðandi þægindi voru klárlega rétt. Ferkanntaða setan var óskaplega óþægileg og tilfinningin ekki góð að sitja þarna og vega salt á brúninni og ná ekki niður. Best að drífa sig í að sinna erindinu. Óþægingin virtust minnka í beinu framhaldi við þægindin þegar þrýstingurinn á blöðruna minnkaði. Ahhhh.... ok, þetta var alveg að virka.

"Blirrrllllrllllrlllrllrrr", glumdi skyndilega um allt og virtist koma frá klósettinu. Ég dauðhrökk við og missti nærri jafnvægið, eitt augnablik virtist ekki vera ljóst hvort ég næði að ná því aftur eða dytti ofan í. "Blirrrlllllrrrllllrrrrllllrrrr", glumdi aftur. Það fór ekki á milli mála að helvítis klósettið var að hringja.

En kommon.... til hvers hringja klósett. í gegnum hugann þutu óteljandi hugmyndir. Skyldi þetta vera svo nútímalegt klósett að það mælir sýrustigið og er að láta mig vita að það er of hátt... eða of lágt? Er eitthvað hámarksmörk sem má ekki fara uppfyrir og ég er búin að pissa of mikið? Opnast hurðin sjálfkrafa eftir einhvern tíma og þetta er viðvörunarbjalla? Nú eða viðvörun um að það eigi að fara að sturtast sjálfkrafa niður? Eða að klósettið sé að brotna af veggnum?

Til öryggis stökk ég af og reif uppum mig buxurnar og starði í skelfinu ofan í klósettið. "Blirirrrlllllrllllllrrrrllll"... Ég beið eftir að eitthvað gerðist... en varð svo litið á lágu hilluna bak við klósettið... þar sem einhver hafði gleymt mjög svo nútímalegum gemsanum sínum sem féll alveg inní innréttingu... gemsanum sem hringdi og hringdi og hringdi....

Flokkur: Bloggar | Facebook