Einvígi okkar kattadómarans

Ég pírði augun og leit hægt á kattadómarann. Kattadómarinn var óræður á svipinn og virtist þungt hugsi. Þetta var einvígi okkar á milli. Einvægi uppá líf og dauða. Á milli okkar sat kennarinn, hún leit á okkur til skiptis. "Chiken!", sagði hún þegar henni fannst við ekki nógu frökk, ekki nógu ágeng. "Ohhhhhh!", stundi hún og ranghvolfdi augunum þegar við héldum áfram án mikillar áhættu.

Í kvöld var pókerkvöldið mikla. Ég, kattadómarinn og kennarinn tókum tvo umganga. Fyrri umganginn vann ég nokkuð örugglega, ég hló þegar ég sló þau bæði út í einu og rakaði til mín spilapeningunum. "You are so lucky!", sagði kattadómarinn og virtist ekki alveg vera til í að fagna með mér. Kennarinn var enn í fýlu yfir spilapeningum sem hún hafði tapað til kattadómarans og virtist vera alveg sama hver vann. "You know this is the only thing that makes me happy in live so I think I deserve to win", sagði ég. "God, I hope you're kidding...", stundi kattadómarinn - aldrei alveg viss hvenær ég meina það sem ég segi og hvenær ekki.

Seinni umgangurinn gekk ekki eins vel á tímabili rétt hékk með í spilinu. Shit! Þetta var ekki nógu gott. En svo datt kennarinn út og þetta breyttist í einvígi milli kattadómarans sem átti fullt af spilapeningum eftir og mín með örfáa. Með heppnina og spilagleðina að vopni byrjaði ég að saxa á forskotið. Hélt áfram hægt og sígandi þar til ég stóð alveg óvænt uppi sem sigurvegari. Kattadómarinn gretti sig og gaf komment um hvernig lukkan væri á minni hlið, að vera með svona ömurleg spil og enda samt með allt. Ég brosti og reyndi að vera hæversk. Maður þarf að kunna að vinna og tapa. Ég er reyndar mikið betri í að vinna... eiginlega er ég ferlega léleg í að tapa... Semp betur fer vinn ég næstum alltaf. Já, það er þetta með heppni í spilum, óheppni í ástum. Í fullri alvöru, jafn seinheppin stelpa í ástarmálum og ég... að sálfsögðu vinn ég í spilum.

Athugasemdir

[Rebbý, 22.3.2008 kl. 11:33]

Ohhh bíddu bara - óvíst að þú vinnir í kvöld þar sem samankoma svona margir óheppnir í ástum

Ætla að láta mig hafa það og mæta, en ligg svo bara næstu tvo daga til að klára að jafna mig.