Ferðalangar

11.3.2008 | 18:47

Ég og líffræðingurinn erum á ferðalagi núna. Lögðum af stað fyrir allar aldir. Ja, eða reyndum það. Þegar ég mætti útá flugvöll mætti ég líffræðingnum sem tilkynnti að það væri frestum. Svo kom önnur frestun og önnur og önnur. Við vorum alvarlega farin að íhuga að skreppa til Akureyrar eða Vestmannaeyja enda eigum við samstarfsmenn á öllum stöðun, sem án efa tæku okkur opnum örmum. Við skemmtun okkur engu að síður alveg ágætlega, vorum farin að fá hornauga þar sem við emjuðum af hlátri yfir Frímanni í Sigtinu á milli þess sem við könnum lagavalið sem var í boði. Á endanum komumst við uppí flugvél til að komast á Egilsstaða þar sem til stóð að heimsækja Gítarforritarann og Nakta forritarann. Rétt náðum að lenda til að komast í hádegismat enda aðframkomin eftir lang ferðalag... sko langan tíma frá því við lögðum af stað um morgunin ekki kannski langt flug endilega. „Ég verð að fá hjá þér ökuskírteini“, sagði maðurinn á bílaleigunni við líffræðinginn þegar við reyndum að sækja bílinn sem beið okkar. Líffræðingurinn varð pínu beyglaður á svipinn og stundi afsakandi upp að hann væri ekki með það á sér. Úbbbs, hugsaði ég og vissi mæta vel að ég var ekkert með ökuskírteini heldur. Nú yrðum við að örugglega að labba eða láta einhvern sækja okkur. En góði bílaleigumaðurinn brosti bara og sagði „Ekkert mál“ afhendi lykilinn og horfði á eftir okkur trítla út í átt að bílnum. Á Egilsstöðum eru svona reglur ekkert til að æsa sig yfir. Allir bara slakir. Hvað með það þótt maðurinn sem fær bíluleigubíl hafi ekki ökuskírteini eða bílpróf? Nú erum við búin að eyða deginum í ágætu yfirlæti drengjana, fáum að nota klósettið og allt. Í kvöld skoðum við kannski hótelið okkar og hvílum okkur, enda voða þreytt – þið vitið flugþreyta og það að fara yfir á annað tímabelti dregur úr manni...

Flokkur: Bloggar | Facebook