Ég er fegurðardrottning

... og brosi gegnum tárin. 

Ég varð að taka á honum stóra mínum í dag að hoppa ekki og skoppa um af ánægju og monti.  Taka á honum stóra mínum svo ég myndi ekki hrópa upp yfir mig af gleði og hamingju.  Tilefnið var sennilega lítilfjörlegt í augum flestra. En í mínum augum stórmerkilegt og í augum Ásdísar vinkonu minnar stórkostlegt.

Spennan var magnþrungin þar sem þrír litlir kettlingar biðu uppá borði á meðan kattadómararnir vógu þá og mátu.  Ásdís titraði af spenningin og ég og Brynja vorum tilbúnar að grípa hana ef það liði yfir hana af spenningi.  Svo var komin úrslitastund.  Fallegasti kettlingur sýningar er engin önnur en Vongóða Vilma!  Nefnd í höfuðið á mér!  Litla barnabarnið mitt, en ég ræktaði sko mömmu hennar, hana Skógardís.  

Formaður félagsins glotti við þegar hann las upp nafnið á kettinum og bætti við skýringu á nöfnum kettlinganna hennar Ásdísar en allar læðurnar eru nefndar í höfuðið á öðrum rætkendum. "Til dæmis henni Vilmu", sagði hann í hljóðnemann og nikkaði til mín.  Ég brosti útaf eyrum og belgdist öll út, eins og ég sjálf hefði verið kosin ungfrú Ísland.  "Hún er sko langsætust...", sagði ég við fólkið sem sat á næsta bekk og kinkaði kolli af sannfæringu um leið.  Þau þorðu ekki annað en að samþykkja það.

En eins og þetta hafi ekki verið nóg þá var gotið hennar Ásdísar (með Vongóðu Vilmu innanborðs) valið besta got sýningar líka.  Ekkert smá stór dagur fyrir litla ræktandann minn og sætu kisurnar hennar.  Skemmtilegt að kíkja við og sjá úrslitin, en mikið svakalega var ég fegin að vera ekki að sýna núna.  Vá, maður! 

Athugasemdir

[Rebbý, 9.3.2008 kl. 04:25]

til lukku með vongóðu Vilmu
hefðir nú ekki bara getað verið að sýna eftir alla þessa vinnutörn

[Snjóka, 9.3.2008 kl. 11:52]

Bíddu varst það ekki þú sem ætlaðir ekki á næstu kattasýningu???

Annars biður sólin að heilsa þér héðan frá Barcelona, 20 stiga hiti og ég búin að skokka eftir ströndinni í morgun, þvílíkt ljúft. Kem held ég ekki bara ekki heim aftur í snjóinn

[Vilma Kristín , 9.3.2008 kl. 18:06]

Sko ég fór bara sem áhorfandi, stóð alveg við það að sýna ekki í þetta skiptið.  Svo ljúft að vera bara alveg frí og frjáls þarna :)

[Hrund (IP-tala skráð) 10.3.2008 kl. 13:22]

He he he ég var vissum að heitið á færslunni yrði "ég er fallegust.." ;) , þetta var frábært!!!!