Erfitt að vera til

8.3.2008 | 00:19

í dag fengum við eyjamaðurinn mikilvægt verkefni í vinnunni. Verkefni sem viðskiptamaðurinn bað okkur um að leysa. Við erum fagfólk, óhrædd við erfið og krefjandi verkefni eins og síðustu þrjár vikur eru gott dæmi um. Stöndum sterk á móti, hellum okkur af lífi og sál út hvað sem að höndum ber, gefum okkur öll í að leysa vandamálin sem mæta okkur og köllum eftir meiru til að takast á við.

Og svo kom viðskiptavinurinn, alvarlegur á svip að borðinu okkar. Hvort við gætum nokkuð tekið að okkur óvenjulegt verkefni. Tekið að okkur verkefni sem er okkur framandi og gæti reynst flókið úrlausnar. Við hikuðum ekki einu sinni. Stukkum úti. Buðum verkefnið velkomið inn á okkar borð. Við myndum sko fórna okkur til að leysa það sem best að hendi.

Viðskiptavinurinn brosti og rétti okkur kassa sem við grömsuðum í til að finna mest spennandi verkefnið. Svo rifum við utan af því pappírinn og byrjuðum að japla á nýja prufuísnum af miklum móð. Já, verkefnið fólst í að smakka á nýjum nammiís... Eyjamaðurinn fékk KitKat ís, ég fékk dummly ís. Þarna sátum við í 10 mínútum og stundum upp lýsingarorðum um ísinn. Komin með súkkulaði útá kinn. Áttuðum okkur á að það var alveg að koma að fundi með yfirmanninum okkar. Stukkum inná bað til að þvo af okkur sönnunargögnin og settumst svo aftur við tölvurnar. Já, það er erfitt að vera til.

Flokkur: Bloggar | Facebook