Ég skal!

Lífið er búið að taka öll völd af mér síðustu daga.  Helgin fór öll í bíóferðir, búðarferðir og skoðunarferð um miðbæ Reykjavíkur í fylgd Rebbýar og Gunna.. skoðunarferð fram undir morgun.

Ég er búin að æfa mig mikið í að segja nei, en hef nú ekki uppskorið eins og hugurinn stóð til.  Og einhvern veginn hef ég í staðinn notað "Ég skal!" í ómældu magni. Með skelfilegri niðurstöðu. Jú, var að koma af ritnefndarfundi og þegar ég skrifaði fundargerðina kemur í ljós að ég hef greinilega tekið að mér að skrifa nærri helming greinanna í næsta blað. Hvernig ég ætla að finna tíma í það veit ég ekki.  En nú þarf ég ofan á það að læra að segja "Nei" að gleyma hvernig á að segja "Ég skal!"...

Athugasemdir

[Snjóka, 15.1.2008 kl. 15:20]

hahaha, þú ert óborganleg.  Manstu hvað ég sagði þegar þú sagðir í nóv/des að þú ætlaðir sko ekki að taka eins mikið að þér varðandi ritnefndina

[Rebbý, 16.1.2008 kl. 21:32]

jahh ekki sagðir þú nei allavega við fólkið í bænum, ekki nema við mig þegar ég bað þig að hjálpa mér með kellinguna sem var að angra mig .... þið Gunni eruð meiri félagarnir