Kannski bara stutt núna

Við rétt dröttuðumst úr sporunum, já, það voru þung sporin úr matartímanum í dag... í orðsins fyllstu merkingu!  XAL-grúppan mín hittist í árlegu jólahlaðborði í hádeginu og eins og venjulega þegar þessi hópur kemur saman var sko tekið til matar síns... og það var erfitt að príla aftur uppí bílinn hennar Bibbu.  Hlakka til að fara á jólahlaðborðið á næsta ári :)

Þetta ofan á óhóflegt konfektát síðustu daga er náttúrulega alveg að fara með allt saman, agalegur þessi desember... konfekt, afmæli og jól... mætti alveg dreifa þessu eitthvað yfir árið.

Svo verð ég að mæla með myndinni sem ég fór á í kvöld með Snjóku.  Ég hélt inní myrkan bíósalinn með engar væntingar.  Ok, kannski smá - ég vonaðist eftir að ég gæti kannski aðeins brosað að henni.  Enda eru breskar myndir oft nokkuð fyndnar.  En við veltumst um í sætunum af hlátri, og ég náði alveg að tala líka við myndina og hrópa upp yfir mig, og tárast...  vááá... besta mynd ársins fyrir mig!

Athugasemdir

[Bibba (IP-tala skráð) 18.12.2007 kl. 23:44]

Verð að sjá hana.   Bara verð...

[Rebbý, 19.12.2007 kl. 08:56]

viltu vara mig við áður en ég les næst blogg hjá þér .... fékk þvílíka hryllingsgæsahúð þegar ég las XAL

[Hrund (IP-tala skráð) 19.12.2007 kl. 16:59]

Hvaða mynd??????? Segðu mér hvað hún heitir!

Úff, ferleg ruslpóstvörn hjá þér, hvernig á ég að geta reiknað summuna af fimm og sextán!!! 

[Vilma (IP-tala skráð) 19.12.2007 kl. 19:06]

"Run, fat boy, run!" heitir myndin... mæli sérstaklega með að þreyttir kennarar sem geta ekki lagt saman tvær tölur skelli sér og gleymi lífinu í smá stund

[Laubba , 19.12.2007 kl. 21:21]

jáhá maturinn var sko fínn:-)

Verð sko að fara að sjá þessa mynd, gaman þegar myndir eru skemmtilegri en maður þorir að vona:-)