Hátíð ljónanna

Við svifum um gólfið, alveg eins og við hefðum aldrei gert neitt annað.  Hæfileikarnir alveg á útopnu.  Eða þannig.  Við vorum allavega sannfærð akkúrat þá stundina að við værum hin glæsilegustu.  Ég og Sævar, stóri bróðir, sem ég hafði gabbað út á "dansgólfið".  Ef það á að draga saman ljónapartý ársins í eitt orð væri það "dans".  Það var sko mikið dansað.  Mikið.  Túlkað með dansi. Sungið og dansað.  Allir að dansa saman.  Ein að dansa.  

Ég hélt einstaklega velheppnað hópnámskeið í fiskadansinum.  Svei mér þá ef þetta var ekki einstaklega hæfileikaríkur hópur sem sótti ljónapartýið þetta árið.  Í framhaldi af fiskadansinum reyndum við okkur aðeins við ljónadansinn.  Lærðum nautadansinn af Olgu og Ingu.  Byrjuðum að semja Bogmannadansinn, Vatnsberadansinn, Meyjudansinn.  Jebb, eftir nokkur ár verðum við komin með fullmótaðan dans fyrir öll stjörnumerkin.  

Um helgina var sem sagt haldið hið árlega ljónapartý.  Einu sinni á ári tökum við aðal ljónin, ég og Magga Bidda, af skarið og höldum hátíð til heiðurs okkur og öðrum ljónum.  Söfnum saman skemmtilegu fólki og slettum úr klaufunum.  Ég verð bara að segja að ljónapartýið í ár óvenju fjörugt og skemmtilegt.

Af gamalli hefð hittumst við ljónynjur í dag til að rifja upp atburði næturinnar.  Emjandi af hlátri og skríkjandi af kátínu gerðum við heiðarlega tilraun til að borða gómsætan hádegismat.  Hlátrasköllinn bárust um allan staðinn á meðan við leystum úr misskilningi og rifjuðum upp sögurnar.  Það voru skoðaðar nærbuxur, tékkað á brjóstum, faðmast, karlmenn í kvennmannsskóm, skipt um föt... já, það var allt til staðar sem þarf að vera í almennilegu partýi!

Svo á sama tíma að ári? Pottþétt... 

 

Athugasemdir

[Rebbý, 10.8.2009 kl. 00:43]

ekki spurning ... sama tíma að ári ... þarf að reyna betur við verðlaunin
en höfuð, herðar, hné og tær eru að kvarta eftir kvöldið sem var samt svo vel þess virði ... ætla bara að taka með mér aukaföt svo ég passi í hópinn og skipti á miðju kvöldi eða kannski ef það lendir á mér í það skiptið að fletta fötum fyrir "stólinn" og á þá helling inni af flíkum

[Vilma Kristín , 10.8.2009 kl. 00:45]

Já, ansi frumleg leið til að komast yfir stól að klæða aðra úr fötunum. Hef aldrei prófað þetta...

[Rebbý, 10.8.2009 kl. 00:46]

já ... fannst þetta frumleg tilraun og mun meira sexý en þegar hann hneppti frá EINNI tölu hjá sjálfum sér   híhíhí